بابلية
عدد الرسائل : 50
العمر : 58
SMS : <form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">$post[field5]</marquee></fieldset></form><!--- MySMS By AlBa7ar Semauae.com -->
تاريخ التسجيل : 13/03/2008
 |  موضوع: جبت كل العراق  الجمعة مارس 14, 2008 5:24 am | |
| جبت كل العراق وجيت
جبت صفحات من تاريخنا اتهلهل
كل صفحة تكول الزود ،
وكل سطر العليها يصيح ويسجل
من سومر لعد آشور و من عد بابل وأكاد
كلها أسماء وتجلجل
ويشمخ عَ الحضارة الثور المجنح
وشريعة حمورابي أعلى الصور تعلى
تسجل أول الخطوات
بدرب أول حضارة عرفت الدنيا
وهم جبت الزقوره وسيرته لسرجون
وجبت له أول فعل مذكور بالتوراة
وأول خطوته بشارع الموكب
وأهل بابل تعاين خفجة الرايات
وعلى اطراف الجناين سجل اسمه وكال :
أنا ابن العراق ... وها الفعل مشهود
"الأسر بالبابلي " سجل بسمنا اعهود
وعلى هذا الغرار انعرفت القادة
ومن هذا الفعل شب الحسين وثار
واصبح للشهادة معنى وقاموس
وتبع جده وتراثه وساير الكرار .
* * *
أدري بيك تتسودن
لون اسم الحضارة ماذكر بغداد
وأدري اتشيط بيك الروح لو ذكروا غفل الاجداد
ومن هَـ الناحية اطمّن واخذ مني :
جبت لك عدة الوراق ،
وخطوطه وأثر جلده
جبت لك شملة الجاحظ
وجبت مخطوط من عنده
من الحلي صفي الدين
أوزان الشعر ..
الشعبي والردة
وهم جبت الحريري أوياي
ومقاماته وسجع بنده
جبت سعف النخيل الغازل الشاطي
والكفة التسير بميته لدجلة
جبت التبله والصاعود
والتلقيح ... والسلي ليبزز حيل
وهم جمارنا الفله
وجبت الطوش والطواش
والهزة وشليل الطوش
وجبت الكوشر وسله
ودبس دمعه جبت
وتمر الك مطبوخ
والهيس التحبه ... هم إلك جبته
جبت نعناعنا إليزهي ،
وهم جبت الفجل وياه
وكراث البراري علَّكت بالجيس
وجبت وطيوطه
وحرفش وحميَّض
والخبيز هم جبته
والرشاد.. ناغى الحندكوك ولايذ بسده
جبت كل شي التخضره الكاع
من كاط وسبوس
وحلبه وبربين
جبت خس السواجي بضحجته لنيسان
جبت راس البصل والشلغم الحامض
وشوندر جبت ، والنومي النعسان
وجبت لك لوبيا ،
وفوك العدس حامض
وباذنجان هم جبته
جبت لك ركي بمشحوف
وعالسجين بذح أحمر
ونص قالب ثلج لو لهبت الدنيا
وعرك سوس وسدر أخضر
ومن رحى العزيزة جبت لك مطحون
فوك الشلكين ادنان هم جبته
وجبت لك شعث مديوف
ومفصم تمرنا والدهن عكه
* * *
وجبت البصرة هم كلها
وجبت شط العرب
والخورة والعشار
جبت سيابها وجيكور
واناشيد المطر إلطرزت شِعره
وجبت نخل الخصيب ، البرحي والكنطار
و صورة جبت للطبكه
ومشاحيف الفلح
وعواني تبحر دوم
والتنومة سمعت بيك
واطراف الزبير تهوس أعلى الصوت
وحي الطرب هم يركص لك اوياهم
وحي الأصمعي باعث كتاب أوياي
مجموعة نوادر للبدو لعراب
وتعليقات مالك عن ملحهم ذيج
وعن أهل البوادي ولعاشروا لاتراب .
وأنا على الدرب ،
زرت الفراهيدي
وشفت الناس كلها واكفه بعفه
واخلسني النحو
هو وكتاب العين
وموازين الشعر محطوطة بصفه
وجلّبت العروض
وتخيرت الكال :
هذا من الرجز مجزوء ونعرفه
وباصات الخشب ذبتني بام بروم
واحدرت الجدم لشرهان بن كاطع
طبيت وجبت كاسيت من عنده
وتخيرته لرياض أحمد
وبصوته الأصيل من يطلق الموال
وسمعته يكول وجنه يخاطب بروحي :
"إرداي ثوب الصبر .. وعلى النوايب جلد
واللي نخاني أطيحن دوم جلد وجلد
اطعن اركاب العدا وبراس أجلد جلد
واتعنى الزينات في سابع سما لو سمن
ولركاب الانذال انا المعتني لوسمن
يلي تكلي الجلب من ياكله لوسمن
اليوم أكو انذال تاكل حمته والجلد . * "
وهذا الحجي
يوجع حيل
واعرف هذا إيبجيك
ولهذا السبب جبته | |
|
هـــــ(دمعة العراق)ـــدى
مديرة المنتدى
عدد الرسائل : 2260
العمر : 31
الوظيفه : طالبة
المزاج : Co0o0ol
SMS :
الاوسمه : 
تاريخ التسجيل : 09/02/2008
| | موضوع: رد: جبت كل العراق الجمعة مارس 14, 2008 10:30 am | |
| وهذا الحجي
يوجع حيل
واعرف هذا إيبجيك
ولهذا السبب جبته
مواضيعج بصراحه تدخل للقلب بسرعه اول ماواحد يقراها
يسلمو حبيبتي وتلكيني دائما بانتظار مواضيع | |
|
عاشقة بغداد
عدد الرسائل : 1820
العمر : 32
المزاج : top
SMS : قلبي يتعذب على فركاك بس الايام خوانه...
اكذب لو اكول انساك مثلك صعب نسيانه...
اه يازمن ماااااااااااااااااقساك
الاوسمه : 
تاريخ التسجيل : 13/02/2008
| | موضوع: رد: جبت كل العراق الثلاثاء أبريل 22, 2008 1:38 pm | |
| تسلمين بابلية على الموضوع
دائما مواضعيج حلوة | |
|
