صرخة الم العراق.....بقلمي

صرخة ألم العراق
العراق على فراش الموت ديحتضر
امله بشبابه ودينتظر
يوميه نساء تترمل واطفال دتتيتم
يوميه نخسر حلم والناس دتتكتم
وينكم يااهل الجود والكرم
اهل النخوة احلامنا دتتحطم
باليوم اموت مية مَرة
شوفو الحياة شكد مُرة
الفرات عمره ماسألكم وانتو تغرفون ميه
انتو شيعه لو سنه يبتسم بكل حنيه
ودجله ولايوم بخل بقطرة مي
تبخلون عليه حتى بنبض حي
تشتكون همكم اله وترمون ماضيكم
بس چان بنسيمه يمسح دموعكم ويواسيكم
دِگلولي هذا مو بلدكم؟مودمكم؟
موچان ولازال يحبكم
هذا العراق شفتوه على مر العصور
چان رافع راسكم بحضارته وتاريخه بدون القصور
چان رافع راسه لان يدري شبابه ترفع الراس
بس اليوم محتاجكم ويناديكم ويذكركم بكل اخلاص
محتاجكم تعرفون شتعني هذه الكلمة ياناس
بلد الرافدين بأخر زمن ينداس
وحضارته تتدمر وشبابه ماعدهم احساس
يشوفوه يوميه الدمع مايجف من خده
وكلمن همه على مصالحه والي يحبه
نسوا الحبيب الاصلي نسوا الروح بالشده
نسو العراق الي چان يهز الكاع هزه
يوم ماينذكر اسمه
خلوه وراحو وعافوه بهمه
على اخر لحظه بعد متفيد الكلمه
عندي كلمه لكل عراقي
ارجوك متخليني بأشواقي
اشواقي اشوف حبيبي باقي
اريد اشوف العراق عراقي
مااريد ياهو اليجي يدعي انه عراقي
حافظو على بلدكم تره مابقه وقت باقي
اني دأموت من اعماقي واحساسي يغلب اشواقي
ويكول بأعلى صوت:
اريد العراق حرام عليكم حرام
دموعي تغرگ بلد بسبب الاجرام
امالي موجودة بس الي راح الاحلام

شكرا حبي عالقصيدة الحلوة
دمتي بروعتج

يسلمو عمري انتي احلى

لا انتي احلى
عفوا

مروركم واصل